Uko wasaba kubika izina ry'ikigo.

Urwego rw’Iterambere mu Rwanda (RDB), binyuze mu Biro bishinzwe Umwanditsi Mukuru, rwemerera abashoramari b’Abanyarwanda n’Abanyamahanga kubika izina bifuza ku kigo, isosiyete, cyangwa ubufatanye bateganya gushinga, mbere y’uko bayandikisha ku mugaragaro.

Iyo ubusabe bwemejwe, hatangwa icyemezo cyo kubika izina cyemeza ko iryo zina ryemewe mu gihe cy’amezi atatu. Iki cyemezo gishobora kongerwa inshuro imwe, kikageza ku mezi atandatu yo kurangiza inyandiko zose zijyanye no gushinga ikigo.

Gusaba kubika izina ni igice cy’ingenzi mu rugendo rwo kwandikisha ubucuruzi, kandi bifasha usaba kwemeza izina ry’ikirango cye aho yaba aherereye hose.

• Ni bande bemerewe gusaba iyi serivisi?

Abikorera b’Abanyarwanda n’Abanyamahanga.

• Ni gute  wasaba kubika izina ry'ikigo?

Sura urubuga rwa One Stop Center: onestopcentre.rdb.rw.

• Ni ibiki ukeneye mbere yo gutangira gusaba?

Dore ibyo ukeneye byose:

• Ugomba kugira konti. Uko wafungura konti, kanda hano

• Nimero ya telefoni cyangwa imeyili (iyo ubishatse) kugirango wakire kandi ukurikirane amakuru yaho dosiye yawe igeze.

• Intambwe zikurikira ndetse nandi makuru 

1. Icyemezo nuko Uruhushya ruzatangwa:

Nyuma yo kohereza ubusabe neza, usaba ahabwa nimero y’ubusabe (Itangizwa na C2…) ishobora gukoreshwa mu gukurikirana aho serivisi igeze.

2. Gutangwa kwa Sertifika/Lisansi:
 Iyo ubusabe bwawe bwemejwe, uzahabwa sertifika y’ubu busabe binyuze kuri aderesi ya imeri cyangwa ubutumwa bugufi (SMS) watanze mu gihe cyo gusaba.

3. Ukeneye ubufasha cyangwa andi makuru:

• Hamagara: 1415
• Email: support@rdb.rw
• WhatsApp: +250788321555