Uko wasaba Uruhushya rwo Gukora Ibagiro

Iyi serivisi igenewe abakora ubucuruzi bw’ibagiro bashaka kwiyandikisha no guhabwa uruhushya rwo gukora rutangwa n’Ikigo cy’Igihugu gishinzwe Ubugenzuzi, Ihiganwa mu Bucuruzi n’Uburenganzira bw’Abaguzi (RICA).

Mu gihe cy’ikorwa ry’ubu busabe, RICA ikora igenzura ahateganywa kugirwa ibagiro kugira ngo yemeze ko inyubako n’imikorere byujuje ibisabwa n’amabwiriza akurikizwa.

Abemerewe gusaba iyi serivisi

Umuntu ku giti cye cyangwa ikigo cyose gikora nk’ibagiro mu Rwanda gishobora gusaba iyi serivisi, iyo gifite TIN yemewe.

Ibisabwa mbere yo gusaba

Kugira ngo utangire ubusabe, ukeneye ibi bikurikira:

• Konti ikora ya OneStopCenter, gufungura konti kanda hano.

• Nomero ya TIN yemewe.

Inyandiko zisabwa

Tegura izi nyandiko zikurikira:

• Icyemezo cy’iyandikisha ry’ikigo cyatanzwe na RDB

• Kopi y’amasezerano y’ubukode, iyo uwusaba atari nyir’inyubako.

• Kopi zashyizweho umukono na noteri z’icyemezo cyo kwiyandikisha n’uruhushya rwo gukora byatanzwe na Rwanda Council of Veterinary Doctors ku baganga b’amatungo bakorera mu ibagiro.

• Kopi zashyizweho umukono na noteri z’impamyabumenyi z’abakozi bashinzwe imikorere y’ibagiro: (Impamyabumenyi ya kaminuza mu buvuzi bw’amatungo cyangwa ubuzima bw’amatungo kuma bagiro  aciriritse n’amanini; Abatekinisiye baba veterineri b’amatungo ku ma bagiro mato.)

• Ibaruwa y’uburenganzira ku basuzumyi b’inyama (meat inspectors) yatanzwe na RICA.

• Kopi ya pasiporo.
  
  

Inyandiko zisabwa bitewe n’uko bimeze

• Kopi y’uruhushya rwo gukora rwatanzwe na RICA

Inyandiko z’inyongera

• Kopi y’icyemezo cyo kwiyandikisha kw’ibagiro cyatanzwe na RICA.

Igihe bitwara n’igiciro

Intambwe zikurikiraho n’amakuru y’ubufasha

Nyuma yo gutanga ubusabe neza, uzahabwa nimero ya dosiye (urugero: C2…) ushobora gukoresha mu gukurikirana aho ubusabe bugeze igihe icyo ari cyo cyose.

Iyo ubusabe bwemejwe, uzamenyeshwa binyuze kuri SMS cyangwa imeyili, kandi icyemezo cya elegitoroniki (e-certificate) kizaboneka ku rubuga kugira ngo ukimanure.

Kubona ubufasha cyangwa ibisobanuro birambuye:

• Hamagara: 1415

• Imeyili: support@rdb.rw

• Twandikire kuri WhatsApp: 0788321555